常見問題
你可能想問
關於服務、價錢、時間同擁有權嘅常見問題，一次過解答。
你哋係咪淨係整網站？
唔係。我哋整公司網站、後端系統同 CMS、數據儀表板、手機 App，同 AI 工作流程。成個網站會逐樣講晒呢五樣。
你哋整到手機 App 或者自訂系統？
整到。我哋自己整嘅澳門考車神器做到 App Store 澳門區第一，iOS + Android 加埋有 2,000+ 下載。生產級系統同 AI 工具我哋亦都出過。
點解網站可以咁平？
網站方面我哋用高效嘅現代化流程同工具，又唔收寄存月費，所以遠平過傳統 agency。自訂項目就按項目報價。
網站寄存真係免費？
公司網站方案包括免費寄存，每日約 10,000 次網頁瀏覽（請求）。一般中小企網站日常使用絕對足夠（幾百個訪客都夠）；超出上限我們會通知並討論解決方案（客戶承擔額外或升級）。你只需要擁有自己嘅域名（約 MOP$100-$300/年）。較大型嘅系統可能要自己嘅寄存，我哋會講清楚。
要等幾耐？
網站 demo 通常傾完幾日內就有。較大型嘅系統、App 同 AI 項目就睇範圍，我哋會預先講好。
啲嘢係咪我擁有？
上線網站、內容、管理權限同資料永遠係你嘅。即使唔再合作都係。完整原始碼（Git 專案檔）可加購，價錢 MOP$3,000。
喺澳門整一個網站要幾錢？
公司網站由 MOP$5,000 起，免費寄存（每日約 10,000 次瀏覽上限），可以免費先睇 demo、滿意先付款。數據儀表板、後端系統、手機 App 同 AI 項目就按範圍另行報價。
你哋係澳門本地團隊嗎？
係。牧羊人科技係澳門土生土長嘅軟件工作室，服務澳門同大灣區嘅商家同創業者，用廣東話、書面中文或英文溝通都得。
